Esti Primeru de Mayu la Mocedá d’Izquierda
Soberanista salimos a la cai una vegada más, sofitando la convocatoria entamada
pol sindicalismu combativu asturianu representáu por CSI, CGT, CNT Y SUATEA.
Ficímoslo dientro’l bloque #LluchandoPolaSoberanía,
entendiendo que la llucha por una Asturies llibre, nun ye tal si nun lo facemos
escontra tou tipu d’opresión: de clase, de xéneru, nacional… Nun país que
supera’l 50% de paru xuvenil, nel que la precariedá ye la tónica xeneral, y nel
que miles de moces y mozos emigren, tenemos motivos abondos pa reivindicar,
organizanos, y lluchar.
Siendo amás el 1 Mayu una fecha tan simbólica,
dende Darréu espardimos un pasquín llamando a nun cayer na desmovilización nin
nel pesimismu pesie al prietu panorama qu’anguaño vivimos n’Asturies: hai más
motivos que nunca pa siguir construyendo dende la mocedá un proyeutu que fraye
col capitalismu, col patriarcáu y col Estáu español.
Nesti día y nel restu del añu, la mocedá tien
que ser motor de tresformación, tien que siguir lluchando por un futuru que mos
quieren robar, y nun lo vamos permitir.
PUXA LA LLUCHA DE LA CLASE OBRERA
ASTURIES LLIBRE, PODER POPULAR
No hay comentarios:
Publicar un comentario