Pesie al importante desconocimientu sobre esta fecha y los sos
fechos, el 25 de mayu ye una de les dates clave na hestoria d’Asturies:
nesi intre del añu 1808, la Xunta Xeneral declárase soberana y afita una
serie d’elementos propios d’un estáu, como la creación de la bandera,
d’un exércitu defensivu asturianu asina como la escoyeta de ministros y
embaxadores, declarando la guerra al entós imperiu cimeru, el francés, énte’l vacíu d’un poder que se considerare llexítimu a nivel del reinu español.
Contestualizaos nel so momentu hestóricu, estos socesos nun dexen de
ser un exemplu perclaru d’exerciciu de la soberanía popular emburriáu
d'abaxo a arriba, el primeru que podemos atopar na hestoria d’Asturies
na conceición moderna de soberanía, y polo tanto una de les dates que
nun pueden faltar nel calandariu d’alcordanza y reivindicación del nuesu
país: ye por ello polo que la mocedá nun escaecemos y reivindicamos la
so importancia, porque ye básico contrarrestrar l’escaezu institucional,
educativu, etc.
Nestos fechos foi mui destacable’l papel de la mocedá, tanto nos socesos previos como nel desarrollu de la resistencia posterior al llevantamientu. Poro, dende Darréu reivindicamos esta carauterística, y defendemos qu’anguaño la mocedá cunta con una responsabilidá entá más importante si cabe como motor de dinamización nos cambios sociales a facer realidá nel nuesu país, y nel exerciciu consciente de la nuesa soberanía como pueblu.
Pasaron 209 años, y sigue siendo más necesaria que nunca la soberanía popular asturiana, nun contestu nel que’l centralismu, la carencia de competencies y capacidá real de llevar alantre polítiques propies, xunío a les inxusticies propies del sistema capitalista y la opresión patriarcal, llévanos a una situación de paru, precariedá, emigración, desigualdá, y en definitiva falta d’un futuru dignu p’Asturies en toles sos vertientes.
Pa frayar con too ello, escoyemos un camín: CONSTRUYIR SOBERANÍA POPULAR ASTURIANA.
PUXA’L 25 MAYU
Nestos fechos foi mui destacable’l papel de la mocedá, tanto nos socesos previos como nel desarrollu de la resistencia posterior al llevantamientu. Poro, dende Darréu reivindicamos esta carauterística, y defendemos qu’anguaño la mocedá cunta con una responsabilidá entá más importante si cabe como motor de dinamización nos cambios sociales a facer realidá nel nuesu país, y nel exerciciu consciente de la nuesa soberanía como pueblu.
Pasaron 209 años, y sigue siendo más necesaria que nunca la soberanía popular asturiana, nun contestu nel que’l centralismu, la carencia de competencies y capacidá real de llevar alantre polítiques propies, xunío a les inxusticies propies del sistema capitalista y la opresión patriarcal, llévanos a una situación de paru, precariedá, emigración, desigualdá, y en definitiva falta d’un futuru dignu p’Asturies en toles sos vertientes.
Pa frayar con too ello, escoyemos un camín: CONSTRUYIR SOBERANÍA POPULAR ASTURIANA.
PUXA’L 25 MAYU
No hay comentarios:
Publicar un comentario