Un añu más llega'l 28 de xunu, y con él el Día l’Arguyu LGTB, una reivindicación que sigue bien vixente.
Sigue vixente la llucha escontra les discriminaciones que, pesie a los
avances en dellos aspeutos llegales algamaos años atrás, sigue
sufriendo’l coleutivu de llesbianes, gais, transexuales y bisexuales nel
nuesu país: dende les discriminaciones del día a día nel ámbitu social,
fasta otres venceyaes a llendes institucionales o llegales. Avanzóse, pero queda camín por percorrer.
Queremos poner amás especial enfotu dende la nuesa organización na
vertiente de mocedá, sollertes tanto a les problemátiques y tabúes
esistentes nel ámbitu educativu, como cualquier otru del ámbitu xoven: y
ye que la mocedá nun escapa a les problemátiques nomaes, y amesta les
suyes específiques, qu'hai que siguir frayando acaldía fasta
desaniciales.
Pa construyir una Asturies llibre, ye imprescindible una sociedá ensin discriminaciones pa llesbianes, gais, transexuales y bisexuales, siendo polo tanto irrenunciable l’avance nel algame plenu de los drechos del coleutivu LGTB, ya’l fin de les fobies, discriminaciones, ridiculizaciones, prexuicios heteronormativos, y otres problemátiques sociales derivaes d’ello.
Porque entá queda muncho que facer hasta algamar una Asturies llibre de fobies, la mocedá tien de siguir cola llucha contra los prexuicios espardíos dende medios de comunicación, Ilesia… o mesmamente contra les propies discriminaciones empobinaes dende l’ ámbitu gubernamental.
Muncha xera, pero tamién munches enfotaes nello.
PUXA L'ARGUYU
Pa construyir una Asturies llibre, ye imprescindible una sociedá ensin discriminaciones pa llesbianes, gais, transexuales y bisexuales, siendo polo tanto irrenunciable l’avance nel algame plenu de los drechos del coleutivu LGTB, ya’l fin de les fobies, discriminaciones, ridiculizaciones, prexuicios heteronormativos, y otres problemátiques sociales derivaes d’ello.
Porque entá queda muncho que facer hasta algamar una Asturies llibre de fobies, la mocedá tien de siguir cola llucha contra los prexuicios espardíos dende medios de comunicación, Ilesia… o mesmamente contra les propies discriminaciones empobinaes dende l’ ámbitu gubernamental.
Muncha xera, pero tamién munches enfotaes nello.
PUXA L'ARGUYU
No hay comentarios:
Publicar un comentario